不想做傷膝青年?幾種運動小心做！

唔少家長希望子女可以從小培養出做運動習慣，提升身體質素，但由於青少年喺發育期間，骨骼肌肉仲建立緊，並未成熟。如果要佢哋過度接受運動訓練，特別係跑步跳躍，就好大機會令佢哋出現以下嘅一種傷患：奧斯戈德史病 (Osgood-Schlatter Disease)。

呢個病最常喺一D經常參與籃球、排球、足球同田徑呢類，需要大腿爆發力嘅青少年身上。佢哋嘅前膝會出現痛楚。

成因有兩個，首先係因為過度訓練，令「髕骨跟腱」同「脛骨粗隆」嘅連接位出現反覆拉扯，造成「鈣化性跟腱炎」。

其次，就因為青少年喺發育期間，骨骼生長速度比肌肉嘅伸長/生長速度快，所以四頭肌相對地會緊繃，增加受傷風險。

症狀方面，包括有脛骨粗隆突起、脛骨粗隆出現壓痛或觸痛，及運動嘅時候或之後，痛感加劇。

點處理？有以下3個方法： 1. 伸展大腿四頭肌或大腿後肌； 2. 冰敷患處15至20分鐘； 3. 充足休息。