按摩不是用力就好 特別是在這種情況

好多香港人都鍾意去旅行做按摩,覺得好正好舒服。咁大家又知唔知,一般按摩師,同運動治療師做嘅按摩又有乜唔同?

運動治療師做嘅按摩,係有別於一般全身推拿。運動治療師只會喺受傷關節附近嘅肌肉,或者喺受傷肌肉上面,進行按摩。目的係增加肌肉延展性,降低受傷關節活動限制。

運動治療師嘅按摩手法係透過物理壓力按壓肌肉,令患處或按壓嘅地方血液循環更快,達到放鬆肌肉嘅效果。


另一種運動治療師常用嘅手法,就係重複又輕柔咁,去搓因為受傷 ,而導致腫脹及岀現瘀血嘅患處,提高患處溫度,利用血液循環,將瘀血同血液中嘅廢物帶走。

此外,仲會用按摩手法,幫運動員喺比賽前,提升肌肉溫度。

所以,要記得,運動治療做嘅按摩同一般按摩係唔同。而且,按摩並唔係大大力,死搓爛搓,就一定好㗎。

Tags:

54 views0 comments

Recent Posts

See All